Solicitan que dea explicacións no pleno convocado para mañá xoves 10 de xullo
Cabanas.- Os concelleiros non adscritos de Cabanas, Teresa García Pita e Ángel Pena Fontenla, aseguran que souberon a través dos medios de comunicación que o alcalde Germán Castrillón Permuy declarou nos Xulgados de Ferrol como imputado. Deste xeito, tiveron constancia de que o proceso ao rexedor de Cabanas está relacionado coa execución da sentenza de derruba dos edificios do Penso.
Os edís de Cabanas entenden que para representar a cidadanía de Cabanas hai que esixir "exemplaridade no respecto ás normas e leis" e que "os cargos públicos débense á cidadanía, e perante ela deben render contas con transparencia".
Os edís de Cabanas entenden que para representar a cidadanía de Cabanas hai que esixir "exemplaridade no respecto ás normas e leis" e que "os cargos públicos débense á cidadanía, e perante ela deben render contas con transparencia".
Así, reclaman que "o alcalde compareza no vindeiro Pleno extraordinario de 10 de xullo de
2014 para dar explicacións sobre a imputación xudicial á que está
sometido".
Reclaman incluír un punto de rogos e preguntas para exercer o seu labor de oposición
Asemade, quéixanse de que "dende o mes de marzo non puidemos exercer o noso dereito a realizar rogos e preguntas, por suspenderse o pleno ordinario de maio de 2014" e reclaman a inclusión dun "punto de rogos e preguntas" neste pleno de mañá xoves.
