Xosé Manuel Beiras fala cos afectados polas preferentes en Gondomar

AGE estuda montar "unha loxística" que permita defender o colectivo na vía xudicial
Beiras aposta pola vía penal para que os responsables da estafa das caixas galegas "respondan polo que fixeron"

A iniciativa de AGE inclúe a vía penal porque será "a única maneira de que os responsables realmente respondan polo que fixeron". O parlamentario autonómico non dubidou en definir a actuación das entidades financeiras como "un delito de estafa monumental".

Nun diálogo directo coas persoas que están a ocupar dende o pasado 3 de decembro o caixeiro de Nova Galicia Banco en Gondomar, Beiras afirmou que na súa opinión a Xunta de Galicia debería "poñer os cartos -aínda que sexa momentaneamente- para cubrir as necesidades desta xente". Sostendo que "Se non o fan, serán tamén delincuentes" na medida que "deixen que ese delito de estafa se consume".

O líder da Alternativa Galega de Esquerdas, que chegou acompañado por catro deputados, opina que os clientes das caixas galegas foron estafados a través dunha oferta de "pagarlles máis que o que habitualmente paga a banca pero sen dicirlles que na letra miúda estaba agochado un vicio oculto que non se lles di". "Iso é unha estafa total e moralmente indecente" sentenciou Beiras, para quen a resposta da Xunta até o de agora ante o problema "é un insulto á intelixencia".

"Agora elimínase a obra social e á xente que embaucaron en estafas como estas as queren deixar abandonadas. Pois a eses dirixentes, algúns dos cales marcharon con indemnizacións millonarias teñen que responder ante actividades que eu considero persoalmente que dende a criminoloxía son un crime. E así está tipificado nos códigos penais. É un delito e polo tanto todos temos que arrouparlos e dar a cara", sinalou o dirixente nacionalista.

Beiras rematou o encontro co colectivo de afectados reiterando que non é xusto que "cada un de vós teña que defenderse por separado". Afirmou que "Eles xogan con que agora meten taxas leoninas para os cidadáns que se queiran defender. É moi difícil", iniciar demandas individuais , porque moitos "non terán recursos para facelo". "Temos que estudar como montar unha loxística de apoio aos afectados a través de avogados", finalizou.

Entrevista a Xosé Manuel Berias na RNE-1

Cabanas.- Entrevista a Xosé Manuel Berias na RNE-1 o pasado 2 de nadal

Beiras chama á "revolución cívica" dende o Parlamento

Beiras: “Colaboraron con ese crime de Estado que é a austeridade”
Compostela.- No Parlamento de Galicia, Xosé Manuel Beiras principiou a súa intervención na elección do presidente da Xunta co poema de Rosalía de Castro A xustiza pola man de “Cantares Gallegos”.

Beiras lembra que o único mérito de Feijoo como candidato á Xunta foi a desastrosa privatización de Correos. Inquiriulle ao PP "Cara onde miraban dende a súa atalaia de San Caetano? Ben o sei: para Madrid, que a Bruselas e Berlín non lles alcanzaba a vista".

Engadiu que Galicia é roubada e asoballada polos poderes da meseta e do Mediterráneo. Un resumo en vídeo da intervención:

Aqués que ten fama de honrados na vila,
roubáronme tanta brancura que eu tiña;
botáronme estrume nas galas dun día,
a roupa de cote puñéronma en tiras.

Nin pedra deixaron en onde eu vivira;
sin lar, sin abrigo, morei nas curtiñas;
ó raso cas lebres durmín nas campías;
Meus fillos...,¡ meus anxos...!, que tanto eu quería,

¡morreron, morreron ca fame que tiñan!

Quedei deshonrada, mucháronme a vida,
Fixéronme un leito de toxos e silvas;
i en tanto os raposos de sangue maldita,
tranquilos nun leito de rosas dormían.

-¡Salvádeme, ou, xueces!-berrei... ¡Tolería!
De min se mofaron, vendeume a xustiza.
-Bon Dios, axudaime- berrei, berrei inda...
Tan alto que estaba, bon Dios non me oíra.

Estonces, cal loba doente ou ferida,
Dun salto con rabia pillei a fouciña,
Rondei paseniño... ¡Nen as herbas sentían!
I a lúa escondíase, i a fera dormía
(Cos seus compañeiros en cama mullida.)

Mireinos con calma, i as mans estendidas,
Dun golpe, ¡dun soio!, deixeinos sen vida.
I o lado contenta senteime das vítimas,
Tranquila esperando polo alba do día

I entonces..., entonces cumpréuse a xustiza:
Eu, neles; i as leises, na man que os ferira.

Beiras abre a novena lexislatura do Parlamento galego [vídeo]

O 16 de novembro de 2012 arrincou a IX Lexislatura do Parlamento de Galicia

Beiras volveu ao Parlamento grazas á confianza de centos de miles de galegos que votaron a coalición da Alternativa Galega de Esquerda.

E presidiu efemeramente a mesa de idade previa á elección da mesa oficial. Aproveitou para artellar unha intervención memorable:

Xosé Manuel Beiras: “A oposición debe fortalecernos a todos contra o PP, inimigo común”

“AGE formouse para as eleccións ao Parlamento, non para outro escenario”(...)
R. O PP, sobre o sistema de elección, podería acaparar os cinco asentos na Mesa do Parlamento. Se lle dese dous ao PSOE e este non os comparte, será por acordo entre eles que os fai responsables de reducir a pluralidade da Mesa.
(...)
P. E comprométense a manter a compostura, boas maneiras no Parlamento?

R. Manter a compostura, ha ha ha! [con carcallada divertida] Pero que é iso! Eles miran as crónicas da Cámara dos Comúns para saber de que vai a compostura. Que diaño, o Parlamento está para falar e a palabra é unha arma pacífica. Se criminalizan o uso da palabra, por moi fortemente que se exerza, están criminalizando o significado da democracia, un dos seus principais instrumentos, que é a de dicir as cousas. E se pretenden que, por compostura, ha ha ha, nós nos fagamos hipócritas, usan a linguaxe políticamente correcta ou comulguemos co pensamento único, van de cu: non é broma. E iso pode acabar rodeado por miles de cidadáns. Se se queren ver nese estado de sitio, que o provoquen, alá eles.
Ler máis: http://ccaa.elpais.com/ccaa/2012/11/10/galicia/1352583079_949920.html

Beiras cre que se PSOE e BNG actuasen "con acerto" o PP perdería "moi desgastado"

Santiago de Compostela, 31 outubro (EFE).- O histórico dirixente nacionalista Xosé Manuel Beiras, que regresará ao Parlamento autonómico baixo a coalición Alternativa Galega de Esquerda (AGE), cre que se PSOE e BNG actuasen "con acerto" na pasada lexislatura, o PP tería perdido, e "moi desgastado, enormemente".

Beiras recoñeceu nunha entrevista con Efe a rotunda vitoria dos populares nesta convocatoria, e dixo que esta foi posible malia "todo o que levan feito de aduanadas, barbaridades, ataques, agresións aos dereitos dos cidadáns do común e subversión das institucións de autogoberno para convertelas noutra cosa".

Por iso, insiste en que o fallo foi que socialistas e nacionalistas "non" fixesen o seu traballo" con "enerxía", xa que se así tería sido, o triunfo do PP sería "impensable".

Segue lendo aquí

Beiras: "O noso obxectivo non é captar votos doutros, é activar o electorado desencantado"

Ler máis aquí:
http://praza.com/politica/2366/beiras-o-noso-obxectivo-non-e-captar-votos-doutros-e-activar-o-electorado-desencantado/

Anova Cabanas